Í fyrsta sinn er hér safnað saman á eina bók myndum sem segja sögu íslenskrar landslagsljósmyndunar síðustu eina og hálfa öld. Með innsæi og skopskyn að leiðarljósi teflir ljósmynda- fræðingurinn Celina Lunsfordsaman verkum 50 íslenskra ljósmyndara og skapar kraftmikla og áræðna blöndu.
Ísland er í augum heimsins „land landslagsins“. Náttúruljósmyndun samtímans snýst hins vegar ekki lengur aðeins um „landslag“, heldur allt það sem býr á mörkum manns og náttúru. Í verkum íslenskra ljósmyndara hefur orðið til ný náttúra í „landi landslagsins“.
Ensk/þýsk útgáfa bókarinnar er unnin í samstarfi við þýsku bókaútgáfuna Kehrer Verlag, eina virtustu útgáfu ljósmynda- og listaverkabóka í Þýskalandi.
Bókin kemur út í tengslum við sýningu á verkum íslenskra samtímaljósmyndara Frontiers of Another Nature. Frankfurter Kunstverein, Frankfurt am Main, 19. ágúst til 16. október 2011.
Textar eru eftir Christiane Stahl, Ingu Láru Baldvinsdóttur og Þorvald Kristinsson. Myndritstjóri Celina Lunsford
300 x 245 mm
Innbundin
Íslenska
164 blaðsíður
Enska og þýska
174 blaðsíður
Ágúst 2011