Formáli eftir Þóru Þórisdóttur
Guðrún Einarsdóttir er einn fremsti íslenski myndlistarmaður samtímans. Hún hefur á ferli sínum skapað einstakan myndheim sem sóttur er í myndanir og form í náttúrunni. Séð úr fjarlægð eru málverk hennar sláandi í einfaldleik sínum en þegar nær er komið lýkst upp heillandi veröld margbreytilegra smáatriða. Bókin um verk Guðrúnar Einarsdóttur birtir heildstætt yfirlit yfir feril Guðrúnar allt frá fyrstu einkasýningu hennar árið 1990 og staðfestir hve heildstæð og stefnuföst sköpun hennar er.
Bókin um verk Guðrúnar Einarsdóttur er fyrsta útgáfan í ritröð um íslenska samtímalistamenn sem Crymogea gefur er út með stuðningi Listasjóðs Dungal. Listasjóður Dungal velur listamennina sem eiga það sameiginlegt að hafa mótað sér sterka og ákveðna stefnu í listsköpun sinni og skapað sér nafn fyrir verk sín. Mikil þörf er á útgáfum með verkum íslenskra samtímalistamanna til að kynna almenningi á Íslandi og erlendis störf þeirra og ætla Crymogea og Listasjóður Dungal að leggja sitt af mörkum til að bæta úr því.
Bókina hannaði Snæfríð Þorsteins, en hún hefur á undanförnum árum unnið fjölda verðlauna fyrir hönnun á vörum, bókum og verslunum í félagi við Hildigunni Gunnarsdóttur. Bókin er prentuð í Prentsmiðjunni Odda hf.
240×300 mm
180 blaðsíður
101 olíumálverk og þrívíð verk
